२९ भदौ सिरहा। सिरहाको मिर्चैया नगरपालिकामा एक निजी विद्यालयका शिक्षकले कक्षामा नआएको भन्दै एक विद्यार्थीलाई कुटपिट गरेका छन्। धनुषाको गणेशमञ्चरनाथ नगरपालिकाका १० कक्षाका आनन्द यादवलाई ह्वाइट हाउस इङ्लिस बोर्डिङ स्कुलका नेपाली शिक्षक श्रवण साहले कुटपिट गरेका छन्।
घाइते विद्यार्थीको मिर्चैयास्थित निजी स्वास्थ्य संस्थामा उपचार भइरहेको छ ।उजुरी गर्न प्रहरी कार्यालय जाँदै गरेको विद्यार्थीले बताए। “तर म प्रहरी चौकी जाँदै गर्दा शिक्षकले मलाई बाटोमा अन्धाधुन्ध कुटपिट गरे”।
सोही विद्यालयमा अध्ययनरत आनन्दले होस्टेलको खानाको समस्या बढेपछि हिजो राति अबेरसम्म निद्रा नपरेको बताए।
उनले भने,‘हिजो राती सुत्न नसकेकोले कक्षामा उपस्थित हुन सकिनँ।’। विद्यालय जान नसकेको भन्दै विद्यालयलाई जानकारी गराए पनि शिक्षक र बाहिरका केहि युवाहरु मिलेर कुटपिट गरेको उनले बताए।
शिक्षक साहले गल्ती स्वीकार गरेका छन् । उनले भने,‘तर विद्यार्थीले मसँग दुर्व्यवहार गरेपछि म र युवाहरु मिलेर कुटपिट गर्न बाध्य भएउ।’
आनन्दका बुबा रामशरण यादवले घटनामा संलग्न दुई युवालाई पक्राउ गरी कडा कारबाही गर्न माग गरेका छन् । विद्यार्थीहरु ले प्रहरी चौकी पुगेर शिक्षकलाई कारबाही गर्न माग गरेका छन् ।आनन्द नर्सरी देखि सोही विद्यालयमा पढ्दै आएको राम शरणले बताए ।
