असोज ६, काठमाडौं । नेपालमा भ्रष्टाचार बढ्दै गए पनि अख्तियार दुरुपयोग अनुसन्धान आयोगमा दर्ता भएका मुद्दाहरु कमजोर बन्दै गएका छन् । अख्तियारले आर्थिक वर्ष २०७८/०७९ मा विशेष अदालतमा दर्ता गरेका मुद्दामध्ये करिब ३९ प्रतिशत मुद्दामा मात्र भ्रष्टाचार प्रमाणित भएको थियो । विशेष अदालतले पर्याप्त प्रमाण नपुगेको भन्दै भ्रष्टाचारका धेरै अभियुक्तलाई सफाइ दिएको छ ।
पछिल्लो ११ वर्षमा अख्तियार दुरुपयोग अनुसन्धान आयोगले दायर गरेको भ्रष्टाचार मुद्दाको फैसलाको तथ्यांक सबैभन्दा कमजोर रहेको छ । अख्तियारको ३२औँ वार्षिक प्रतिवेदनमा यस अवधिमा दुई आर्थिक वर्ष २०६७/०६८ र २०७५/०७६ मा अख्तियारको पक्षमा ८९ प्रतिशत फैसला भएको उल्लेख छ । प्रमुख आयुक्त प्रेमकुमार राईले बुधबार राष्ट्रपति विद्यादेवी भण्डारीसमक्ष अख्तियारको ३२औँ प्रतिवेदन बुझाएका हुन् ।
अख्तियारले घुसखोरी, नक्कली शैक्षिक प्रमाणपत्र, सार्वजनिक सम्पत्तिमा क्षति पुर्याउने, अवैध सम्पत्ति आर्जन गर्ने, राजस्व चुहावट लगायतका मुद्दामा कारबाही गरिरहेको छ भने मुद्दाको सङ्ख्या बढी भए पनि दोषी ठहर हुनेको सङ्ख्या न्यून छ । प्राधिकरणले दर्ता भएका मुद्दाको मात्रै गणना गरेको छ। थोरै मात्र दर्ता भएका मुद्दामा मात्रै सफल भएको प्राधिकरणले स्विकारेको छ ।
