वैदेशिक रोजगारीका क्रममा मलेसियामा बन्धक बनाइएका १९ नेपालीको उद्धारका लागि सरकारले अभियान थालेको छ ।
उनीहरु विगत आठ दिनदेखि बन्धकमा परेको थाहा पाएपछि प्रधानमन्त्री र मन्त्रिपरिषद्को कार्यालयले अवस्था बुझेर वैदेशिक रोजगारीका लागि मलेसिया पुगेकाहरुको उद्धारका लागि पहल थाल्यो ।
प्रधानमन्त्री पुष्पकमल दाहालले घटना गम्भीर भएकाले तत्काल उद्धारका लागि आवश्यक सबै पहल गर्न मुख्य सचिव शङ्कदास वैरागीमार्फत सम्बन्धित निकायलाई निर्देशन दिएको प्रधानमन्त्रीका प्रेस संयोजक सूर्यकिरण शर्माले जानकारी दिए ।
वैदेशिक रोजगारीको सिलसिलामा मलेसिया आएका एजेन्टहरुले नजिकैको केलाङ सहरको एउटा भवनमा बन्धक बनाएको भिडियो सार्वजनिक भएको छ ।
कम्पनीले ठेक्कामा तोकिएको काम नदिई अन्य काम गर्न दबाब दिएर जथाभावी काम गरेको उनको दाबी छ ।
उनीहरुले कम्पनीको दबाब विरुद्ध बोल्दा कुटपिट समेत भएको दाबी गरेका छन् । अलपत्र परेका कामदारहरूले आफूहरूलाई कम्पनीबाट लिएर भवनको कोठामा राखिएको दाबी गरेका छन्, जहाँ उनीहरूलाई नछोड्न भनिएको थियो।
बन्धकहरूले तत्काल रिहाइ गरी नेपाल फिर्ताको व्यवस्था गर्न सरकारसँग माग गरेका छन् ।
