काठमाडौं । खराब मौसमका कारण आज आन्तरिक उडान प्रभावित भएको छ ।
बिहानैदेखि मौसममा आएको परिवर्तनका कारण हुस्सु र कुहिरोका कारण सबै आन्तरिक विमानस्थलमा उडान प्रभावित भएको छ ।
भिजिबिलिटी कम भएकाले उडान प्रभावित भएको काठमाडौं विमानस्थल कार्यालयले जनाएको छ ।
काठमाडौंमा भिजिबिलिटी कम भएपछि आएफआर प्रविधि प्रयोग गरेर उडान सुरु भएको छ, जसका कारण अन्तर्राष्ट्रिय उडानहरु रोकिएका छैनन् ।
