काठमाडौं । प्रधानमन्त्री पुष्पकमल दाहाल प्रचण्डले वरिष्ठ नेत्र रोग विशेषज्ञ डा सन्दुक रुइतलाई प्रतिष्ठित आइएसए अवार्ड प्राप्त गरेकोमा बधाई दिएका छन् ।
ट्विट गर्दै प्रधानमन्त्रीले भन्नुभएको छ, ‘वरिष्ठ नेत्र चिकित्सक डा. सन्दुक रुइतले प्रतिष्ठित इसा अवार्ड प्राप्त गर्नुभएकोमा हार्दिक बधाइ ज्ञापन गर्दछु । मानव कल्याणको क्षेत्रमा उहाँको योगदान देशकै लागि प्रतिष्ठित र प्रशंसनीय छ। राज्यसँग उहाँले गरेका अपेक्षालाई सरकारले गम्भीरतापूर्वक लिनेछ।’
उनले राज्यबाट आफ्ना अपेक्षालाई सरकारले गम्भीरतापूर्वक लिने बताए ।
डा रुइतले मानवताको सेवाको लागि आइएसए पुरस्कारको पाँचौं संस्करण प्राप्त गरेका छन्, जुन बहराइन राज्यको सर्वोच्च नागरिक सम्मान हो।
उनले मेरिट प्रमाणपत्र, स्वर्ण पदक र १० लाख अमेरिकी डलर नगद पुरस्कार पाउनेछन्।
यो अवार्ड आगामी महिना मनामास्थित आइएसए कल्चरल सेन्टरमा राजा हमाद बिन इसा अल खलिफाको संरक्षणमा हुने समारोहमा प्रदान गरिने छ ।
