काठमाडौँ । सुनचाँदी बजारमा अघिल्लो दिनको तुलनामा आज छापा सुनको मूल्य तोलामा १ हजार १ सय रुपैयाँले घटेको छ । अघिल्लो दिन प्रतितोला १ लाख ६ हजार ९ सय रुपैयाँमा कारोबार भएको सुनको मूल्य तोलामा १ लाख ५ हजार ८ सय रुपैयाँ कायम भएको छ ।
नेपाल सुनचाँदी व्यवसायी संघले जारी गरेको सूचना अनुसार आज तेजाबी सुनको मूल्य प्रतितोला १ लाख ५ हजार ३ सय रुपैयाँ रहेको छ । अघिल्लो दिन यसको मूल्य एक लाख ६ हजार चार सय पैसा थियो ।
त्यस्तै आज चाँदीको मूल्य अघिल्लो कारोबारको तुलनामा स्थिर रहेको र प्रतितोला १ हजार ३ सय ८० रुपैयाँमा रहेको महासंघले जनाएको छ । संघले अन्तर्राष्ट्रिय बजारमा सुनचाँदीको कारोबार मूल्यका आधारमा दैनिक सुनचाँदीको मूल्य निर्धारण गर्दै आएको छ ।
