काठमाडौं । नेपाल प्रहरीका चार डीआईजीलाई एआईजीमा बढुवाका लागि सिफारिस गरिएको छ ।
गृह मन्त्रालयको बढुवा समिति सचिवालयले डीआईजीहरू सन्दीप भण्डारी, सुदीप गिरी, मीरा चौधरी र टेकबहादुर तामाङलाई बढुवाका लागि सिफारिस गरेको हो ।
भण्डारीलाई ६८ दशमलव ४६१२ नम्बरसहित बढुवाका लागि पहिलो नम्बरमा सिफारिस गरिएको छ । दोस्रो नम्बरमा सिफारिस भएका गिरीले आफ्नो कार्यसम्पादन मूल्याङ्कनमा कुल ६८.२११२ अंक प्राप्त गरेका छन् ।
जेष्ठताका आधारमा तेश्रो उम्मेदवारमा सिफारिस भएकी मीराको ६७.८३०६ र चौथोमा रहेका टेकबहादुरको ६७.६९७३ मत छ ।
