काठमाडौं । त्रिभुवन अन्तर्राष्ट्रिय विमानस्थल आज दिउँसो आधा घण्टाका लागि बन्द हुने भएको छ । त्रिभुवन अन्तर्राष्ट्रिय विमानस्थल नागरिक उड्डयन कार्यालयले आज एक सूचना जारी गर्दै दिउँसो १ बजेदेखि साढे १ बजेसम्म विमानस्थल बन्द गर्न लागिएको जानकारी दिएको हो ।
दिउँसो १ बजेदेखि साढे १ बजेसम्म गरिने अभ्यासका क्रममा विमानस्थल वरिपरिको आकाशमा कालो धुवाँ आउनुका साथै दमकल, सुरक्षाकर्मी, एम्बुलेन्स तथा अन्य गतिविधिमा तिव्रता आउने कार्यालयले जारी गरेको सूचनामा उल्लेख छ ।
अन्तर्राष्ट्रिय नागरिक उड्डयन प्राधिकरण ९आईकाओ०को मापदण्ड तथा एयरपोर्ट इमर्जेन्सी प्लानअन्तर्गत उक्त कार्यक्रम गर्न लागिएको विमानस्थल कार्यालयले जनाएको छ ।
अभ्यासका क्रममा विमानस्थल आधा घण्टा बन्द हुने भएको छ । अभ्यासका कारण दिउँसो १ बजेदेखि आधा घण्टाका लागि विमानस्थल बन्द हुन लागेको कार्यालयले जनाएको छ ।
