काठमाडौँ । आज (मंगलबार) बेलुका ५ बजे मन्त्रिपरिषद् बैठक बस्दै छ ।
प्रधानमन्त्री केपी शर्मा ओलीले मन्त्रिपरिषद् बैठक बोलाएका हुन् । आजको बैठकले नेपाल प्रहरीका प्रहरी अतिरिक्त महानिरीक्षक (एआइजीपी)को सरुवा तथा पदस्थापन समेत गर्नेछ ।
बैठकमा मन्त्रालयका नियमित एजेन्डाहरूमाथि छलफल तथा निर्णय हुन सक्ने जनाइएको छ ।
साथै केही मन्त्रालयहरूका सहसचिवहरूको सरुवासमेत हुन सक्ने पनि बताइएको छ ।
यद्यपि सूची फाइनल नभै सकेको तथा संघीय मामिला तथा सामान्य प्रशासन मन्त्रालयबाट प्रस्ताव भने पठाइ सकिएको छैन ।
