काठमाडौँ । अविरल वर्षासँगै आएको भोटेकोशीको बाढीले अवरुद्ध बनेको रसुवा जाने यातायात सेवा वैकल्पिक मार्गमार्फत पुनः सुरु भएको छ ।
प्रशासन तथा प्राविधिक टोलीको निरन्तर प्रयासपछि काठमाडौँ-टोखा-छहरे-गड्खार पुल-आप्र-नर्जा-लच्याङ-सरमथली-पाटीखर्क हुँदै बोगटीटार-कालिकास्थान-धुन्चे जोड्ने सडकखण्ड चारपाङ्ग्रे साना सवारीसाधन सञ्चालन हुनसक्ने गरी खुलाइएको हो ।
लामो समयदेखि सडक सम्पर्कबाट विच्छेद भएको जिल्लामा सवारीसाधन चल्न थालेसँगै स्थानीय बासिन्दाको आवतजावत र खाद्यान्न तथा अत्यावश्यक सामग्री आपूर्तिमा ठूलो राहत मिलेको छ ।
