Author: khaptadm-admin

काठमाडौँ । अमेरिकाको मध्यावधि निर्वाचन नतिजासँगै कृत्रिम बौद्धिकता (एआई) क्षेत्रको भावी नियमन र लगानीको प्रतिफललाई लिएर आशङ्का बढ्दा विश्वव्यापी प्रविधि बजारमा ठूलो गिरावट आएको छ । निर्वाचनमा एआई तथा डाटा सेन्टर विस्तारमा नियन्त्रणको पक्षमा रहेका डेमोक्र्याटहरूले सफलता पाएपछि लगानीकर्तामा चिन्ता छाएको हो । यसको प्रत्यक्ष असर अमेरिकी सेयर बजारमा देखिएको छ, जहाँ प्रविधि कम्पनीहरूको वर्चस्व रहेको न्यास्ड्याक सूचक ५.५ प्रतिशतभन्दा बढीले ओरालो लागेको छ । यस गिरावटबाट एकै दिन करिब २५ खर्ब अमेरिकी डलर बराबरको बजार पुँजीकरण गुमेको छ । विशेष गरी एआई चिप र उपकरण उत्पादन गर्ने प्रमुख कम्पनीहरू उच्च दबाबमा परेका छन् । चिप निर्माता कम्पनी एनभिडियाको सेयर…

हुम्ला । हुम्लाको थेहे आसपासलाई केन्द्रविन्दु बनाएर शुक्रबार बिहान भूकम्प गएको छ । राष्ट्रिय भूकम्पमापन तथा अनुसन्धान केन्द्रका अनुसार बिहान ७ बजेर १० मिनेट जाँदा ४.२ रेक्टर स्केलको भूकम्पको धक्का महसुस गरिएको हो ।

काठमाडौँ । नेपाल राष्ट्र बैंकले शुक्रबारका लागि तय गरिएको विदेशी मुद्राको विनिमय दर विवरण सार्वजनिक गरेको छ । केन्द्रीय बैंकका अनुसार आज अमेरिकी डलर १ को खरिद दर १५० रुपैयाँ ८७ पैसा र बिक्री दर १५१ रुपैयाँ ४७ पैसा निर्धारण भएको छ । त्यस्तै युरोपियन युरो १ को खरिद दर १६९ रुपैयाँ ४६ पैसा तथा बिक्री दर १७० रुपैयाँ १३ पैसा कायम भएको छ । बेलायती पाउण्ड स्टर्लिङ १ को खरिद दर २०३ रुपैयाँ ११ पैसा र बिक्री दर २०३ रुपैयाँ ९२ पैसा छ । भारतीय रुपैयाँ १०० को खरिद दर १६० रुपैयाँ र बिक्री दर १६० रुपैयाँ १५ पैसा…

काठमाडौँ । नेपाल प्रिमियर लिग (एनपीएल) मा आज दुई ठूला टोलीहरू जितको खोजीमा आमने-सामने हुँदैछन् । त्रिभुवन विश्वविद्यालयको क्रिकेट मैदानमा हुने पहिलो भिडन्तमा कर्णाली याक्स र सुदूरपश्चिम रोयल्स भिड्दैछन् भने दोस्रो खेलमा चितवन राइनोज र पोखरा एभेन्जर्स आमने-सामने हुनेछन् । जारी प्रतियोगितामा ३ खेलबाट २ जित र १ हारको नतिजा निकाल्दै कर्णाली याक्स अंक तालिकाको तेस्रो स्थानमा सुरक्षित छ । अर्कोतर्फ ४ खेल खेलेको सुदूरपश्चिम रोयल्सले २ जित र २ हारबाट ४ अंक जोड्दै पाँचौँ स्थान ओगटेको छ । अपराहन्न साढे १२ बजे सुरु हुने यो खेल दुवै टोलीका लागि शीर्ष स्थानतर्फको यात्रा सुदृढ गर्न महत्त्वपूर्ण हुनेछ । यस्तै साँझ…

काठमाडौँ । हिन्दु धर्मावलम्बीहरूको महत्त्वपूर्ण पर्व तिहार अन्तर्गत आज पहिलो दिन धनतेरस (धनत्रयोदशी) देशभर हर्षोल्लासका साथ मनाइँदै छ । कात्तिक कृष्ण त्रयोदशीका अवसरमा आज देशभरका हिन्दू धर्मावलम्बीहरूले धनतेरस पर्व श्रद्धापूर्वक मनाइरहेका छन् । यस विशेष दिनमा आरोग्य र स्वास्थ्यका देवता भगवान् धन्वन्तरीका साथै धनका अधिपति कुवेर र धनकी देवी लक्ष्मीको विधिपूर्वक पूजा आराधना गरिन्छ । पौराणिक मान्यता अनुसार समुद्र मन्थनका क्रममा आजैका दिन भगवान् विष्णुका अवतार मानिने भगवान् धन्वन्तरी हातमा अमृत कलश लिएर प्रकट हुनुभएको धार्मिक विश्वास रहिआएको छ । यस पर्वलाई घरमा सुख, शान्ति र समृद्धि भित्र्याउने शुभ अवसरको रूपमा लिइने गरिन्छ । यही विश्वासका आधारमा मानिसहरूले यस दिन…

काठमाडौँ । जल तथा मौसम विज्ञान विभागअन्तर्गतको मौसम पूर्वानुमान महाशाखाले हाल देशमा पश्चिमी वायुको सामान्य प्रभाव कायम रहेको जनाएको छ । यसै क्रममा आज दिनभर देशका पहाडी तथा हिमाली भेगका केही स्थानमा आंशिक बदली रहने र अन्य भू-भागमा मौसम सामान्यतया सफा रहनेछ । विभागका अनुसार दिउँसो कोशी, बागमती, गण्डकी र सुदूरपश्चिम प्रदेशका हिमाली क्षेत्रका थोरै स्थानमा हल्का वर्षाको सम्भावना रहेको छ । त्यसैगरी रातिको समयमा कोशी र गण्डकी प्रदेशका हिमाली भेगका एक-दुई स्थानमा हल्का वर्षासँगै हिमपातसमेत हुन सक्नेछ । बिहानको समयमा तराईका केही क्षेत्र, उपत्यका तथा खोँचहरूमा हुस्सु र कुहिरो लाग्ने हुनाले आवश्यक सतर्कता अपनाउन महाशाखाले आग्रह गरेको छ ।

आजको राशिफल बिस २०८३ कार्तिक २० गते शुक्रबार ईस २०२६ नोभेम्बर ६ नेपाल सम्बत ११४६ कौलागा द्वादशी-२७, रौद्र नाम संवत्सर सूर्य दक्षिणायन, शरद ऋतु, कार्तिक कृष्ण पक्ष द्वादशी, चन्द्रमा कन्या राशिमा, हस्त  नक्षत्र, विश्कुम्भ योग, तैतिल करण । आज नेपालमा सुर्योदय बिहान ६ बजेर १८ मिनेटमा र सूर्यास्त साँझ ५ बजेर १८ बजे हुनेछ । आज जन्म लिने बच्चा कन्या राशीको हुनेछ । मेष (चु, चे, चो, ला, लि, लु, ले, लो, अ) आज व्यक्तिगत आकर्षण र आत्मविश्वास बढ्नेछ। कार्यक्षेत्रमा आफ्नो प्रस्तुति र व्यवहारले अरूको ध्यान खिच्न सक्नुहुनेछ। नयाँ जिम्मेवारी वा कामको प्रस्ताव आउन सक्छ। व्यापारमा वस्तुको सजावट, गुणस्तर…

काठमाडौँ । नेपाल धितोपत्र बोर्ड (सेबोन) ले सेयर बजारमा तरलता बढाउने तथा मूल्य निर्धारण प्रणालीलाई अझ प्रभावकारी बनाउने लक्ष्यसहित अन्तर्दिवसीय कारोबार (इन्ट्राडे ट्रेडिङ) सञ्चालनको तयारी अघि बढाएको छ । यसका लागि बोर्डले ‘अन्तर्दिवसीय धितोपत्र कारोबारसम्बन्धी नियमावली, २०८३’ को प्रारम्भिक मस्यौदा तयार गरी सार्वजनिक गरेको छ । सरोकारवालाहरूलाई आगामी मंसिर ४ गतेसम्म आफ्ना सुझाव पठाउन आग्रह गरिएको छ । यसअघि गत असोज ८ गते अवधारणापत्र सार्वजनिक गरेको बोर्डले सोही आधारमा यो नियमावलीको मस्यौदा तयार पारेको हो । मस्यौदाअनुसार इन्ट्राडे ट्रेडिङ सञ्चालन गर्न स्टक एक्सचेन्ज र सेयर ब्रोकरले बोर्डबाट पूर्वस्वीकृति लिनुपर्नेछ भने तोकिएका मापदण्ड पूरा गरेका सूचीकृत कम्पनीका धितोपत्रमा मात्र यस्तो कारोबार…

काठमाडौँ । मुलुकको पछिल्लो शान्ति–सुरक्षाको अवस्थालाई सुदृढ बनाउन प्रधानमन्त्री बालेन्द्र शाहले सुरक्षा निकायका उच्च अधिकारीहरूसँग विशेष छलफल गरेका छन् । सिंहदरबारस्थित प्रधानमन्त्री तथा मन्त्रिपरिषद्को कार्यालयमा आयोजित बैठकमा उनले चाडपर्वका बेला सर्वसाधारणको जीउधनको रक्षाका लागि कुनै कसर बाँकी नराख्न कडा निर्देशन दिए । बैठकमा प्रधानसेनापति अशोकराज सिग्देल, नेपाल प्रहरीका महानिरीक्षक डा. मनोजकुमार केसी र सशस्त्र प्रहरी बलका महानिरीक्षक नारायणदत्त पौडेलको उपस्थिति रहेको थियो । त्यस अवसरमा प्रधानमन्त्री शाहले नेपाली सेना, नेपाल प्रहरी र सशस्त्र प्रहरीबीचको सहकार्य र सूचना आदानप्रदानलाई थप चुस्त बनाउन आग्रह गरे । साथै अपराध नियन्त्रणमा शून्य सहनशीलताको नीति अपनाउँदै नागरिकलाई सुरक्षित वातावरणको अनुभूत गराउन उनले सुरक्षा प्रमुखहरूलाई निर्देशन…

काठमाडौँ । नेपाल प्रिमियर लिग (एनपीएल) मा लुम्बिनी लायन्सले आफ्नो उत्कृष्ट प्रदर्शन जारी राख्दै जनकपुर बोल्ट्समाथि १६ रनको रोमाञ्चक जित दर्ता गरेको छ । जितका लागि पाएको १५० रनको मध्यम लक्ष्य पछ्याउने क्रममा जनकपुर निर्धारित २० ओभरमा ८ विकेटको क्षतिमा १३३ रनमा समेटियो । जनकपुरका लागि कप्तान हरमित सिंहले सर्वाधिक ३३, सैफ हसनले २८ र आदित्य महताले २४ रनको योगदान दिए पनि टोलीलाई जितसम्म पुर्‍याउन सकेनन् । लुम्बिनीका डिआर्ची शर्टले कसिलो बलिङ गर्दै ३ विकेट चट्काए भने तिलक भण्डारी र शेर मल्लले समान २–२ विकेट तथा रुबेन ट्रम्पेलम्यानले १ विकेट हात पारे । यसअघि टस हारेर पहिले ब्याटिङको निम्तो पाएको…