काठमाडौँ । रासायनिक मल खरिदका लागि सरकारले बजेटको आकार बढाएर ३२ अर्ब ४६ करोड रुपैयाँ पुर्याएको छ ।
अर्थमन्त्री डा. स्वर्णिम वाग्लेले आगामी आर्थिक वर्ष २०८३/८४ को बजेट भाषणमार्फत चालु आर्थिक वर्षको विनियोजनमा यो वृद्धि गरिएको जानकारी दिनुभयो । मुख्य खाद्यबाली लगाउने समयमा किसानले भोग्नुपर्ने मलको अभावलाई दीर्घकालीन रूपमा समाधान गर्न सरकारले विशेष योजना अघि सारेको छ ।
यस अन्तर्गत अबदेखि रासायनिक मल आपूर्तिको छुट्टै क्यालेन्डर (तालिका) तयार गरिने भएको छ । उक्त क्यालेन्डर अनुसार बेलैमा मल आयात गरी कृषकहरूलाई व्यस्त सिजनमा सहज र सोझो वितरण हुने व्यवस्था मिलाइने अर्थमन्त्री डा. वाग्लेले बजेट वक्तव्यमार्फत स्पष्ट पार्नुभयो ।
