काठमाडौँ । काठमाडौँ महानगरपालिका वडा नम्बर ३० का लेखा अधिकृत उद्धव भट्टराई घुस रकमसहित अख्तियार अनुसन्धान आयोगको नियन्त्रणमा परेका छन् ।
स्थायी लेखा नम्बर (प्यान) बन्द गर्नका लागि आवश्यक पर्ने वडाको सिफारिस दिन सेवाग्राहीसँग दु:ख हैरानी दिँदै घुस मागेको विशेष सूचनाका आधारमा पुगेको अख्तियारको टोलीले उनलाई नियन्त्रणमा लिएको हो ।
सेवाग्राहीबाट २१ हजार रुपैयाँ घुस लिइसकेको अवस्थामा रङ्गेहात पक्राउ परेका भट्टराईमाथि थप अनुसन्धान भइरहेको आयोगले जनाएको छ ।
