काठमाडौँ । प्रतिनिधि सभाको आजको बैठक दिउँसो १ बजे बस्ने भएको छ। सङ्घीय संसद सचिवालयका अनुसार बैठकमा प्रधानमन्त्री र मन्त्रीहरूसँग सम्बन्धित विभिन्न महत्त्वपूर्ण कार्यसूचीहरू रहेका छन्।
आजको बैठकमा प्रधानमन्त्री बालेन्द्र शाहले प्रतिनिधि सभा नियमावली, २०८३ को परिच्छेद-९ बमोजिम सांसदहरूले सोधेका प्रश्नहरूको प्रत्यक्ष जवाफ दिने कार्यक्रम तय भएको छ। यसका साथै, प्रधानमन्त्री शाहले ‘मुस्लिम आयोगको सातौं वार्षिक प्रतिवेदन आ.व. २०८१/०८२’ पनि सभासमक्ष पेस गर्नेछन्।
त्यस्तै, उर्जा, जलस्रोत तथा सिँचाइमन्त्री विराजभक्त श्रेष्ठले ‘नेपाल र भारतबीच दीर्घकालीन विद्युत व्यापार गर्ने सम्बन्धी सम्झौता’ सदनमा पेस गर्ने कार्यसूची रहेको छ।
