काठमाडौँ । पारिवारिक सम्बन्ध तथा आमाको महिमालाई मुख्य विषयवस्तु बनाएर तयार पारिएको चलचित्र ‘झिँगेदाउ- २’ आजबाट देशभरका सिनेमाघरमा औपचारिक रूपमा प्रदर्शन सुरु भएको छ ।
विक्रम संवत् २०७९ मा बक्स अफिसमा सफल ठहरिएको चलचित्र ‘झिँगेदाउ’को यो दोस्रो भाग (सिक्वेल) हो । निर्देशक ज्ञानेन्द्र देउजाले निर्देशन गरेको यस चलचित्रले दर्शकलाई पुनः एउटा भावनात्मक र पारिवारिक कथामा बाँध्ने प्रयास गरेको छ ।
कपनगढी सिनेमा र फिल्म क्रिउ नेपालको संयुक्त ब्यानरमा यो चलचित्र निर्माण भएको हो ।
चलचित्रमा केकी अधिकारी, आँचल शर्मा, महेश त्रिपाठी, कुशल विष्ट, हिउँवाला गौतम, आर्यन सिग्देल, बसुन्धरा भुषाल, चैत्यदेवी, सरोज खनाल, संगम भण्डारी र अभयराज बराल जस्ता दिग्गज तथा चर्चित कलाकारहरूको सशक्त अभिनय देख्न सकिनेछ ।
