काठमाडौँ । जापानको नागोयामा सञ्चालन भइरहेको २०औँ एसियाली खेलकुदअन्तर्गत महिला कबड्डीतर्फ नेपालले कास्य पदक प्राप्त गरेको छ ।
शुक्रबार भएको सेमिफाइनल भिडन्तमा नेपाली टोली भारतसँग ४८-२४ को फराकिलो अंक अन्तरले पराजित भएपछि कास्य पदकमै सीमित भएको हो । नेपाललाई पन्छाउँदै भारत भने प्रतियोगिताको स्वर्ण पदक भिडन्तका लागि फाइनल प्रवेश गरेको छ ।
यसअघि बिहीबार भएको नकआउट चरणको महत्त्वपूर्ण खेलमा श्रीलंकालाई ३४-२५ ले हराउँदै नेपालले सेमिफाइनलमा आफ्नो ठाउँ सुरक्षित गरेको थियो । समूह चरणका अन्य खेलमा चाइनिज ताइपेइसँग पराजय व्यहोरेको नेपालले थाइल्याण्डमाथि भने उत्कृष्ट जित दर्ता गराएको थियो ।
यसअघि चीनमा सम्पन्न १९औं एसियाली खेलकुदमा ऐतिहासिक कास्य पदक जितेको नेपाली महिला कबड्डी टोलीले लगातार दोस्रो पटक सोही सफलता दोहोर्याएको हो । यससँगै नागोया एसियाडमा नेपालको पदक तालिकामा दोस्रो कास्य थपिएको छ ।
