काठमाडौँ । नेपाली कांग्रेसको केन्द्रीय कार्यसम्पादन समितिको बैठक सानेपास्थित केन्द्रीय कार्यालयमा बस्ने भएको छ ।
कार्यवाहक मुख्यसचिव कृष्णप्रसाद दुलालका अनुसार दिउँसो २ बजेका लागि आह्वान गरिएको यो बैठकमा सहभागी हुन केन्द्रीय पदाधिकारी, कार्यसम्पादन समितिका सदस्यहरूका साथै प्रदेश सभापतिहरूलाई निर्देशन दिइएको छ ।
बैठकमा समसामयिक राजनीतिक अवस्थाका साथै पार्टीको आन्तरिक सांगठनिक व्यवस्थापनका विषयमा गहन छलफल हुनेछ ।
विशेषगरी नेता पूर्णबहादुर खड्का पक्षलाई आगामी महाधिवेशनमा सहभागी गराउन र उनीहरूसँगको समन्वयमा केन्द्रीय समितिमा उचित स्थान दिने वातावरण तयार पार्न यो बैठकलाई महत्त्वपूर्ण मानिएको छ ।
