न्युयोर्क । संयुक्त राष्ट्रसंघको ८१औँ महासभाअन्तर्गत उच्चस्तरीय सत्रको औपचारिक सुरुवात भएको छ ।
राष्ट्रसंघको न्युयोर्कस्थित मुख्यालयमा आयोजना गरिएको उद्घाटन समारोहमा नेपालको तर्फबाट परराष्ट्रमन्त्री शिशिर खनाल उपस्थित रहेका छन् ।
यसपटक महासभामा सहभागी हुन नेपाली प्रतिनिधिमण्डलको नेतृत्व गर्दै प्रधानमन्त्री बालेन्द्र शाह न्युयोर्क पुगेका छन् । तय भएको कार्यक्रम अनुसार प्रधानमन्त्री शाहले आगामी सेप्टेम्बर २४ का दिन महासभाको सामान्य छलफललाई सम्बोधन गर्नेछन् ।
यस वर्ष महासभाको मूल नारा ‘विश्वास पुनर्स्थापना, परिवर्तनको व्यवस्थापन : सबैका लागि परिणाम दिने संयुक्त राष्ट्रसंघ’ तय गरिएको छ ।
नेपालले राष्ट्रसंघको बडापत्र र अन्तर्राष्ट्रिय कानुनका सिद्धान्तहरूमा सधैँ जोड दिँदै आएको छ । सोही अनुरुप विश्व शान्ति, मानव मर्यादा, दिगो विकास र ‘कोही पनि पछाडि नछुटून्’ भन्ने मर्मलाई नेपालले प्राथमिकतामा राखेर आफ्ना प्रतिबद्धताहरू अन्तर्राष्ट्रिय मञ्चमा प्रस्तुत गर्दै आएको छ ।
