काठमाडौँ । बेलायतले साउदी अरबलाई हवाई इन्धन भर्ने विमान उपलब्ध गराउँदै रक्षात्मक सहयोग गर्ने निर्णय गरेको छ ।
यमनका हुथी विद्रोहीहरूले साउदी क्षेत्रलाई लक्षित गरी निरन्तर ड्रोन तथा क्षेप्यास्त्र प्रहार गर्न थालेपछि रियादको विशेष आग्रहमा लन्डनले यो कदम चालेको हो ।
बेलायती प्रधानमन्त्री एन्डी बर्नहमका अनुसार यो सहयोग आगामी केही दिनभित्रै सुरु भएर प्रारम्भिक चरणमा केही हप्ताका लागि लागू हुनेछ ।
साइप्रसस्थित बेलायती सैन्य आधार शिविरबाट परिचालन हुने भ्वाएजर विमानले साउदी लडाकु विमानहरूलाई हावामै इन्धन भर्ने सुविधा प्रदान गर्नेछ , जसले हुथीका सम्भावित हवाई आक्रमण निष्प्रभावी बनाउन मद्दत पुग्नेछ ।
लाल सागरको सुरक्षा तथा क्षेत्रीय स्थिरता जोगाउन यो निर्णय आवश्यक रहेको बेलायती पक्षको भनाइ छ ।
