काठमाडौँ । सङ्घीय संसद अन्तर्गत प्रतिनिधि सभाको नयाँ बैठक बुधबार अपराह्न आह्वान गरिएको छ । कार्यव्यवस्था परामर्श समितिले अघिल्लो दिन तय गरेको कार्यसूची अनुसार दिउँसो १ बजे नयाँ बानेश्वरस्थित संसद भवनमा बैठक सुरु हुनेछ ।
बैठकको मुख्य कार्यसूचीका रूपमा भोटेकोशी र त्रिशूली नदीमा आएको विनाशकारी बाढीबाट भएको जनधनको क्षतिप्रति शोक व्यक्त गर्दै सभामुख डोलप्रसाद अर्यालले विशेष प्रस्ताव पेस गर्ने कार्यक्रम छ । उक्त प्रस्तावमाथि संसद्मा प्रतिनिधित्व गर्ने सबै राजनीतिक दलका नेताहरूले आफ्नो धारणा राख्नेछन् ।
यसअघि गत भदौ १० गते भोटेकोशीमा भीषण बाढी आएकै दिन प्रतिनिधि सभाको बैठक बसेको थियो । संसद सचिवालयका अनुसार रसुवाको टिमुरे, स्याफ्रुवेशी, बेत्रावती तथा नुवाकोट, धादिङ, चितवन र गोरखाका तटीय क्षेत्रमा स्वदेशी तथा विदेशी नागरिकले ज्यान गुमाएको र ठूलो भौतिक क्षति भएको घटनाप्रति संसद्ले गहिरो दुःख व्यक्त गर्दै शोक सन्तप्त परिवारजनमा समवेदना प्रकट गर्नेछ ।
साथै घाइतेहरूको शीघ्र स्वास्थ्य लाभ र घरबारविहीन भएकाहरूको तत्काल व्यवस्थापनका लागि ध्यानाकर्षण गराइनेछ।
