काठमाडौँ । सम्पत्ति शुद्धीकरण अनुसन्धान विभागले पूर्वप्रधानन्यायाधीश चोलेन्द्र शमशेर जबरा र उनीसँग जोडिएका नातेदार तथा निकटस्थ व्यक्तिहरूको निवासमा छापा मारेको छ ।
विभागको टोलीले जबरासहित नवराज थपलिया, दीपक तिमल्सिना र नारायण दाहालको घरमा पुगेर खानतलासी गरेको हो ।
यसैगरी, जबराका भाइ प्रभुशमशेर जबरा तथा ज्वाइँ नवीन बस्नेतको निवासमा पनि छापा मारिएको स्रोतले जनाएको छ । खानतलासीका क्रममा टोलीले केही महत्त्वपूर्ण कागजातहरू नियन्त्रणमा लिएको छ ।
यसअघि काठमाडौँ उपत्यका अपराध अनुसन्धान कार्यालयको टोलीले जबरालाई मध्यराति निवासबाटै नियन्त्रणमा लिई करिब १२ घण्टापछि छाडेको थियो ।
