Khaptad Organic Nepal

काठमाडौँ । सहरी क्षेत्रले भोग्दै आएको वातावरणीय चुनौती र जलवायु संकटको व्यावहारिक समाधान खोज्न काठमाडौँ महानगरपालिकाले मंसिर ७ देखि १३ गतेसम्म ‘काठमाडौँ जलवायु कार्य सप्ताह २०८३’ सञ्चालन गर्ने भएको छ ।

नेपालकै पहिलो सहरस्तरीय जलवायु प्रयासका रूपमा दाबी गरिएको यस साताव्यापी अभियानमा जनप्रतिनिधि, युवा, विद्यार्थी, वैज्ञानिक, उद्यमी, निजी क्षेत्र र नागरिक समाजका प्रतिनिधिहरू सहभागी हुनेछन् । अब जलवायु जोखिमका विषयमा बहस मात्र नगरी प्रत्यक्ष कार्यान्वयनमा उत्रिनुपर्ने आवश्यकता रहेको महानगरपालिकाकी कार्यवाहक प्रमुख सुनिता डंगोलले बताएकी छन् ।

सप्ताहव्यापी कार्यक्रममा विशेषगरी सहरी डुबान, बढ्दो गर्मी, वायु प्रदूषण, पानीको अभाव र फोहोरमैला व्यवस्थापनजस्ता मुख्य समस्याहरूलाई प्राथमिकताका साथ उठाइनेछ । सात दिनको अवधिमा जलवायु नीति तथा वित्त, सम्पदा संरक्षण, स्वच्छ ऊर्जा, खाद्य प्रणाली र नागरिक सहभागितालगायतका विषयमा केन्द्रित रहेर अलग–अलग सत्रहरू सञ्चालन गरिने महानगरले जनाएको छ ।

अभियानअन्तर्गत ५० भन्दा बढी विद्यालयहरूमा वृक्षरोपण, फोहोर वर्गीकरण तथा जलवायु सचेतनासम्बन्धी विभिन्न सिर्जनात्मक क्रियाकलापहरू आयोजना हुनेछन् । साथै, विद्यार्थीहरूका लागि ‘जलवायुका लागि बालबालिका’ विषयक भिडियो प्रतियोगितासमेत राखिएको छ, जसमा उत्कृष्ट हुने विजेतालाई ५० हजार रुपैयाँसम्मको नगद पुरस्कार प्रदान गरिनेछ ।

कार्यक्रमको समापनका दिन जलवायु असर न्यूनीकरणका लागि साझा प्रतिबद्धतासहितको आगामी कार्यदिशा र ‘काठमाडौँ घोषणा २०८३’ सार्वजनिक गर्ने महानगरपालिकाको तयारी छ ।

लेखक

Share.
Bhoj Bhagirathi Trust

खप्तड मिडिया नेपाल प्रा. लि.

खप्तड मिडिया नेपाल प्रा.लि.
काठमाडौं–१६, बागमती प्रदेश, नेपाल

सूचना विभाग दर्ता नं.: २९७२-२०७८/७९

संस्थापक/सम्पादक: डा. तेजराज जोशी रेग्मी
सह-सम्पादक/आईटी प्रबन्धक: सुदर्शन गुरुङ

सम्पर्क

इमेल: info@khaptadmedia.com
विज्ञापन: marketing@khaptadmedia.com
मोबाइल: ९८४११९१५७९ (सह-सम्पादक)
सम्पादक इमेल: drtjjoshi@khaptadmedia.com

महत्त्वपूर्ण टेलिफोन नम्बर

  • Police: 100
  • Traffic Police: 103
  • Ambulance: 102
  • Fire Station: 101
  • Tourist Police: +977-14247041, 9851289444, 1144 (Toll-Free, Hotline)
  • Nepal Tourism Board: +977 1 4256909
  • Department of Tourism: +977 1 4247037

© 2026 खप्तड मिडिया नेपाल प्रा. लि. सर्वाधिकार सुरक्षित।