काठमाडौँ । बाढीको उच्च जोखिममा परेको कृषि विकास बैंकको त्रिशूली ढुंगे शाखाबाट नेपाल प्रहरीले ठूलो परिमाणको नगद, सुन तथा महत्वपूर्ण कागजातहरू सुरक्षित रूपमा अन्यत्र स्थानान्तरण गरेको छ ।
विपद्का कारण बैंक भवन जोखिममा परेपछि प्रहरी टोलीले लगातार करिब ८ घण्टासम्म उद्धार प्रयास जारी राखेर यी बहुमूल्य वस्तुहरू सुरक्षित स्थानमा पुर्याएको हो ।
जिल्ला प्रहरी टोलीको निरन्तरको प्रयासपछि बैंकमा रहेको करिब १ करोड ५० लाख रुपैयाँ नगद, अनुमानित ५० करोड रुपैयाँ बराबरको सुन तथा अन्य महत्वपूर्ण कागजातहरू सुरक्षित बनाउन सफलता मिलेको प्रहरीले जनाएको छ ।
