बागलुङ । कालीगण्डकी नदीमा उर्लिएको भीषण बाढी अवलोकन गर्न बागलुङ बजारका बासिन्दा सवारीसाधन नै भाडामा लिएर तटीय क्षेत्रतर्फ ओहोरदोहोर गरिरहेका छन् ।
आइतबार बिहानैदेखि नदीमा पानीको सतह ह्वात्तै बढेपछि स्थानीयवासी जिप, अटोरिक्सा र मोटरसाइकल चढेर ढोडेनी पुगेका हुन् । बागलुङ नगरपालिका-५ ढोडेनीबाट पारिपट्टी पर्वतको जलजला गाउँपालिका-८ पोर्सेमा बाढी पसेको प्रस्ट देखिने भएकाले मानिसहरू जोखिम मोलेरै फोटो, भिडियो र टिकटक बनाउन व्यस्त देखिन्थे ।
बाढीको जोखिम उच्च रहेकाले नदी किनारमा भीड नगर्न प्रहरीले सर्वसाधारणलाई लगातार सचेत गराइरहेको छ ।
