काठमाडौँ । प्रतिनिधि सभामा आगामी आर्थिक वर्ष २०८३/८४ को वार्षिक बजेटमाथिको सैद्धान्तिक छलफलका लागि तीन दिनको समय निर्धारण गरिएको छ ।
सभामुख डोलप्रसाद अर्यालले शुक्रबारको बैठकमा जानकारी गराए अनुसार उक्त छलफल आउँदो जेठ १८, १९ र २० गते निरन्तर सञ्चालन हुनेछ ।
यसअघि बैठकमा अर्थमन्त्री डा. स्वर्णिम वाग्लेले आगामी आर्थिक वर्षको बजेटसँग सम्बन्धित विभिन्न विधेयकहरू संसद्मा पेस गर्नुभएको थियो । निर्धारित तीन दिनको अवधिमा संसद्मा उपस्थित सदस्यहरूले बजेटका व्यवस्था र प्राथमिकतामाथि आफ्ना टिप्पणी तथा सुझावहरू प्रस्तुत गर्नेछन् ।
सांसदहरूले उठाएका प्रश्न र राखेका जिज्ञासाहरूको संसद्मै अर्थमन्त्री डा. वाग्लेले जवाफ दिने कार्यतालिका तय गरिएको छ ।
