काठमाडौँ । बझाङ जिल्लालाई केन्द्रविन्दु बनाएर बुधबार बिहान ४.२ म्याग्निच्युडको भूकम्प गएको छ ।
राष्ट्रिय भूकम्प मापन तथा अनुसन्धान केन्द्रले दिएको जानकारी अनुसार बिहान ४ बजेर ४० मिनेट जाँदा बझाङको कोतदेवाल आसपासलाई मुख्य केन्द्रविन्दु बनाएर उक्त भूकम्पको धक्का रेकर्ड गरिएको हो ।
बिहानै गएको भूकम्पका कारण स्थानीयमा केही बेर त्रास फैलिए पनि हालसम्म कुनै पनि प्रकारको भौतिक तथा मानवीय क्षतिको विवरण प्राप्त नभएको प्रहरी तथा स्थानीय प्रशासनले जनाएका छन् ।
