जनकपुरधाम । धनुषाको शान्ति सुरक्षा स्थिति सामान्य बन्दै गएपछि स्थानीय प्रशासनले जारी गरेको निषेधाज्ञा फिर्ता लिएको छ ।
प्रमुख जिल्ला अधिकारी प्रेम प्रसाद लुइँटेलद्वारा जारी सूचनाअनुसार सोमबार बिहान ५ बजेदेखि लागू हुने गरी जिल्लाका सम्पूर्ण क्षेत्रबाट निषेधाज्ञा हटाइएको हो ।
आन्दोलनरत पक्षले आफ्ना सम्पूर्ण विरोधका कार्यक्रमहरू फिर्ता लिएको र सर्वसाधारणको दैनिकी सहज बन्दै गएकाले यो निर्णय लिइएको प्रशासनले जनाएको छ ।
