काठमाडौँ । धान रोपाइँ सम्पन्न भएको खुसीयालीमा आज देशका विभिन्न स्थानमा रोपाइँ जात्रा मनाइँदै छ । विशेषगरी नेवार समुदायबाट सुरु भएको यो जात्रा परम्परागत रूपमा गाईजात्राको भोलिपल्ट मनाउने प्रचलन रहँदै आएको छ ।
रोपाइँ सकिएको थकाइ मेट्न र खुसीयाली बाँझ्नका लागि मनाइने यस पर्वमा मानिसहरू खेत (ज्युला) मा भेला भई असारे गीत गाउँदै, नाच्दै र बाजागाजाका साथ रमाउने गर्दछन् । जात्राका क्रममा रोपाइँको मालिकलाई हिलोमा डुबाउने अनौठो र रमाइलो परम्परा धेरैतिर विद्यमान छ ।
सोह्रौँ-सत्रौँ शताब्दीदेखि सुरु भएको मानिने यस पर्वमा प्रत्येक घरका सदस्यहरू हली, बाउसे, र रोपाहारजस्ता विभिन्न भेषभूषामा सजिएर अभिनयात्मक झाँकीसहित सहभागी हुने गर्दछन् । नेपालका पश्चिमी जिल्लाहरूमा पनि फरक-फरक शैलीमा यो जात्रा मनाइन्छ, जहाँ कर्णाली क्षेत्र (विशेष गरी जुम्ला) मा यसलाई ‘चोपाइ’ प्रथाका रूपमा लिइन्छ ।
विवाह भएका वा छोरा जन्मिएका परिवारको घरमा विशेष रूपमा मानिसलाई हिलो वा पानीमा चोप्ने (डुबाउने) गरी चोपाइ मनाउने परम्परा रहेको छ ।
