काठमाडौँ । परराष्ट्रमन्त्री शिशिर खनाल र मंगोलियाका पूर्वप्रधानमन्त्री तथा मंगोलियाली चेस महासंघका अध्यक्ष जन्दनशातार गोम्बोजाभबिच सिंहदरबारस्थित परराष्ट्र मन्त्रालयमा औपचारिक संवाद भएको छ ।
सोमबार भएको उक्त भेटघाटमा नेपाल र मंगोलियाको आपसी सम्बन्धलाई थप प्रगाढ बनाउनेबारे कुराकानी भएको छ । मन्त्रालयका अनुसार दुई देशबिच विशेष गरी खेलकुदका माध्यमबाट सहकार्य बढाउने र अन्य सम्भावित क्षेत्रहरूमा पनि एकअर्कालाई सहयोग गर्ने विषयमा गहन छलफल भएको छ ।
भेटका क्रममा दुवै पक्षले आगामी दिनमा आपसी हितका क्षेत्रहरू पहिचान गर्दै सम्बन्धलाई नयाँ उचाइमा पुर्याउने प्रतिबद्धता व्यक्त गरेका छन् ।
