काठमाडौँ । रोल्पा र त्यस आसपासका क्षेत्रमा मिर्मिरे बिहानै भूकम्पको धक्का महसुस गरिएको छ ।
राष्ट्रिय भूकम्प मापन तथा अनुसन्धान केन्द्रका अनुसार रोल्पाको इरीवाङलाई केन्द्रविन्दु बनाएर सोमबार बिहान ३ बजेर ७ मिनेट जाँदा ४.४ म्याग्निच्युडको भूकम्प गएको हो ।
भूकम्पको कम्पन रोल्पाका विभिन्न स्थानका साथै छिमेकी जिल्लाहरूमा समेत महसुस भएको थियो । भूकम्पबाट हालसम्म कुनै भौतिक तथा मानवीय क्षतिको विवरण भने प्राप्त भएको छैन ।
