काठमाडौँ । २४ घण्टाको अवधिमा देशका विभिन्न भागमा भएका सवारी दुर्घटनामा परी पाँच जनाको ज्यान गएको छ भने १०५ जना घाइते भएका छन् ।
नेपाल प्रहरीको तथ्याङ्कअनुसार लुम्बिनी प्रदेशमा सबैभन्दा बढी तीन जनाले ज्यान गुमाएका छन् । यसैगरी बागमती र गण्डकी प्रदेशमा एक–एक जनाको मृत्यु भएको छ ।
दुर्घटनामा परेर देशभर १०५ जना घाइते भएका छन् । जसमध्ये मधेश प्रदेशमा मात्रै ३७ जना घाइते भएका छन् । काठमाडौँ उपत्यकामा ११ जना तथा कोशी प्रदेशमा २१ जना घाइते भएका छन् । त्यस्तै बागमतीमा ६ जना, लुम्बिनीमा १६ जना, सुदूरपश्चिममा १० जना र कर्णाली प्रदेशमा ७ जना घाइते भएका छन् ।
