काठमाडौँ । देशभर बदलिएको मौसम र खराब दृश्यताका कारण त्रिभुवन अन्तर्राष्ट्रिय विमानस्थलबाट हुने आन्तरिक हवाई उडान व्यापक रूपमा प्रभावित बनेका छन् ।
विमानस्थल कार्यालयका अनुसार प्रतिकूल मौसमका कारण विभिन्न गन्तव्यतर्फका उडानहरू रद्द हुनाका साथै केही समयका लागि स्थगित वा ढिलाइ भएका हुन् ।
हवाई सेवा प्रभावित भएपछि वायुसेवा कम्पनीहरूले यात्रुहरूलाई घरबाट निस्कनुअघि नै आफ्नो उडानको अद्यावधिक स्थिति जाँच गर्न आग्रह गरेका छन् ।
मोबाइल एप वा वेबसाइटमार्फत उडान तालिमको पछिल्लो अवस्था बुझेर मात्रै यात्रा गर्न र सडक यातायातमा समेत ढिलाइ हुन सक्ने भएकाले समयमै विमानस्थलतर्फ प्रस्थान गर्न सम्बन्धित निकायको सुझाव छ ।
