काठमाडौँ । प्रतिनिधिसभाको बैठक सञ्चालनलाई अझ प्रभावकारी र समयबचत गर्ने उद्देश्यले सांसदहरूका लागि ‘वेटिङ चेयर’ (प्रतीक्षा कुर्सी) को व्यवस्था गरिएको छ ।
सभामुखको सचिवालयका अनुसार रोस्टममा बोल्ने पालो आएका सांसदहरूले अब आफ्नो नाम बोलाउनुभन्दा केही अघि नै रोस्टम नजिकै तयार भएर बस्न सक्नेछन् ।
यसअघि सांसदहरू आफ्नो आशनबाट रोस्टमसम्म पुग्न समय लाग्ने गरेकोमा नयाँ व्यवस्थापछि प्रत्येक वक्ताको औसत ३० सेकेन्डदेखि १ मिनेटसम्म समय बचत हुने विश्वास लिइएको छ । यसले सदनको कारबाहीलाई चुस्त बनाउन सहयोग पुग्नेछ ।
