मोरङ । राजनीतिक विश्लेषक तथा लेखक भरत दाहाललाई प्रहरीले मोरङबाट नियन्त्रणमा लिएको छ । काठमाडौँ जिल्ला अदालतबाट जारी पक्राउ पुर्जीका आधारमा नेपाल प्रहरीको साइबर ब्युरोको सिफारिसमा उनलाई नियन्त्रणमा लिइएको प्रहरी प्रशासनले जनाएको छ ।
विद्युतीय माध्यम वा सामाजिक सञ्जालमार्फत साइबर अपराधसम्बन्धी कसुर गरेको अभियोगमा अनुसन्धान अघि बढाउन उनलाई पक्राउ गरिएको बताइएको छ ।
मोरङमा रहेका दाहाललाई आजै हवाई मार्गबाट काठमाडौँ ल्याएर थप कानुनी कारबाही अघि बढाउने तयारी भइरहेको छ ।
पछिल्लो समय उनी सरकारका विभिन्न नीति तथा निर्णयहरूप्रति आक्रामक रूपमा प्रस्तुत हुँदै आएका थिए । घटनाको विस्तृत विवरण र उजुरीको पूर्ण पक्षबारे थप अनुसन्धान भइरहेको प्रहरीले जनाएको छ ।
