काठमाडौँ । साताको दोस्रो कारोबार दिन सोमबार नेपाल स्टक एक्सचेन्ज (नेप्से) परिसूचकमा झिनो गिरावट आएको छ । नेप्से परिसूचक २०.४८ अंकले घटेर २५६६.७६ विन्दुमा ओर्लिएर बन्द भएको छ ।
आज बजारमा कुल ३५९ वटा कम्पनीको ९० लाख ३ हजार ३८८ कित्ता शेयर किनबेच भएको छ । दिनभरि भएका कारोबारबाट कुल ३ अर्ब २७ करोड ९५ लाख ९ हजार ८३६ रुपैयाँ बराबरको कारोबार रकम दर्ता भएको छ । समूहगत सूचकतातर्फ हेर्दा ट्रेडिङ उपसमूह बाहेक बाँकी सबै क्षेत्रका शेयर मूल्यमा गिरावट देखिएको छ ।
आजको कारोबारमा स्ट्यान्डर्ड चार्टर्ड बैंक डिभेन्चरका लगानीकर्ताले सबैभन्दा धेरै कमाएका छन्, जसको शेयर मूल्य ५.७५ प्रतिशतले बढेको छ । त्यसैगरी नेपाल एसबिआई बैंक डिभेन्चरको शेयर मूल्य पनि ४.९८ प्रतिशतले उकालो लागेको छ । अर्कोतर्फ, त्रिशुली जलविद्युतको शेयर मूल्यमा सर्वाधिक ५.८४ प्रतिशतको गिरावट आई सबैभन्दा धेरै गुमाउने कम्पनी बन्न पुगेको छ ।
कारोबार रकमका आधारमा आज घलेम्डि हाइड्रो अग्रस्थानमा रहन सफल भएको छ, जसको २२ करोड ८६ लाख रुपैयाँ बराबरको शेयर खरिदबिक्री भएको छ । त्यस्तै, हाथवे इन्भेस्टमेन्टको ८ करोड ४९ लाख रुपैयाँ बराबरको कारोबार भएको छ ।
