Khaptad Organic Nepal

काठमाडौँ । भारतीय राजनीतिमा लामो समयदेखि महत्वपूर्ण स्थान ओगट्दै आएकी कांग्रेस नेत्री सोनिया गान्धीको जीवनकथामा आधारित पुस्तकले बजारमा प्रवेश गरेको निकै कम समयमा ऐतिहासिक सफलता हासिल गरेको छ ।

हालै सार्वजनिक भएको उनको आत्मकथाले कीर्तिमानी बिक्री दर्ज गर्दै नयाँ रेकर्ड कायम गर्न सफल भएको हो ।

प्रकाशक संस्था हार्पर कोलिन्स इन्डियाका अनुसार गत हप्ता सार्वजनिक गरिएको उक्त कृति एक साता बित्न नपाउँदै दुई लाखभन्दा बढी थान बिक्री भइसकेको छ । गत नोभेम्बर १० मा पाठकहरूमाझ आएको यस पुस्तकको औपचारिक विमोचन भने नोभेम्बर १६ का दिन नयाँ दिल्लीमा भव्य समारोहबीच गरिएको थियो । पुस्तक सार्वजनिक भएलगत्तै पहिलो १० मिनेटको अवधिमै १५ हजारभन्दा बढी प्रति पाठकसम्म पुगेको प्रकाशकले जनाएको छ । भारतीय पुस्तक प्रकाशनको लामो इतिहासमा यति छोटो समयमा यति धेरै सङ्ख्यामा पुस्तक बिक्री भएको यो पहिलो घटना भएको बताइएको छ ।

विमोचन कार्यक्रममा सोनिया गान्धीका छोरा राहुल गान्धी र छोरी प्रियंका गान्धीको समेत उपस्थिति रहेको थियो । पाठकहरूबाट प्राप्त अभूतपूर्व माया र चासोप्रति प्रतिक्रिया दिँदै नेत्री गान्धीले आफ्नो अपेक्षाभन्दा धेरै ठूलो प्रतिक्रिया पाएको उल्लेख गरेकी छिन् ।

यस पुस्तकमा उनले आफ्नो बाल्यकाल, व्यक्तिगत जीवनका विभिन्न पाटा, भारत आगमन, राजीव गान्धीसँगको सम्बन्ध, पारिवारिक पलहरू तथा भारतीय राजनीतिक वृत्तसँग जोडिएका रोमाञ्चक अनुभवहरू खुलेर व्यक्त गरेकी छिन् । यसअघि अन्य प्रकाशन गृहसँगको सम्झौता प्रक्रियामा कुरा नमिल्दा हार्पर कोलिन्सले यसको प्रकाशनको जिम्मा सम्हालेको थियो ।

लेखक

Share.
Bhoj Bhagirathi Trust

खप्तड मिडिया नेपाल प्रा. लि.

खप्तड मिडिया नेपाल प्रा.लि.
काठमाडौं–१६, बागमती प्रदेश, नेपाल

सूचना विभाग दर्ता नं.: २९७२-२०७८/७९

संस्थापक/सम्पादक: डा. तेजराज जोशी रेग्मी
सह-सम्पादक/आईटी प्रबन्धक: सुदर्शन गुरुङ

सम्पर्क

इमेल: info@khaptadmedia.com
विज्ञापन: marketing@khaptadmedia.com
मोबाइल: ९८४११९१५७९ (सह-सम्पादक)
सम्पादक इमेल: drtjjoshi@khaptadmedia.com

महत्त्वपूर्ण टेलिफोन नम्बर

  • Police: 100
  • Traffic Police: 103
  • Ambulance: 102
  • Fire Station: 101
  • Tourist Police: +977-14247041, 9851289444, 1144 (Toll-Free, Hotline)
  • Nepal Tourism Board: +977 1 4256909
  • Department of Tourism: +977 1 4247037

© 2026 खप्तड मिडिया नेपाल प्रा. लि. सर्वाधिकार सुरक्षित।