Khaptad Organic Nepal

काठमाडौँ । बिचौलिया प्रकरणमा नाम जोडिएपछि बिदामा बसेका सर्वोच्च अदालतका न्यायाधीश हरि फुयाल र नवनियुक्त चार न्यायाधीशले मङ्गलबारदेखि नियमित मुद्दाको सुनुवाइ थालेका छन् ।

तिहार र छठ पर्वको सार्वजनिक बिदा सकिएर अदालत खुलेसँगै पाँचै जना न्यायाधीश इजलासमा फर्किएका हुन् ।

पक्राउ परेका बिचौलिया इनम सापकोटाको मोबाइलबाट बरामद ह्वाट्सएप सन्देश र भेटघाटको विवरण सार्वजनिक भएपछि न्यायाधीश फुयालको भूमिकामाथि प्रश्न उठेको थियो । विवाद चर्किएपछि उनी कात्तिक १७ गतेदेखि बिदामा बसेका थिए । सोही प्रकरणमा मुछिएर सुनुवाइबाट अलग रहेका प्रधानन्यायाधीश डा. मनोज शर्मा पनि मङ्गलबारदेखि इजलासमा फर्किएका छन् । चौतर्फी छानबिनको माग उठिरहेकै बेला दुवै जना नियमित न्याय सम्पादनमा फर्किएका हुन् ।

यसैगरी, राष्ट्रपति रामचन्द्र पौडेलबाट नियुक्त भई कात्तिक २७ गते पद तथा गोपनीयताको शपथ लिएका चार जना नवनियुक्त न्यायाधीशहरूले पनि मङ्गलबार पहिलो पटक इजलास सम्हालेका छन् । सर्वोच्च अदालतले सार्वजनिक गरेको पेसी सूचीअनुसार नवनियुक्त न्यायाधीश डा. रत्नबहादुर बागचन्दको प्रधानन्यायाधीश शर्मासँग संयुक्त इजलास तोकिएको छ ।

त्यस्तै, अर्का नवनियुक्त न्यायाधीश गोकर्ण डाँगीले विवादित न्यायाधीश फुयालसँग संयुक्त इजलास साझा गरेका छन् । नवनियुक्त न्यायाधीशद्वय चन्द्रबहादुर सारुलाई न्यायाधीश टेकप्रसाद ढुङ्गानासँग र जनक पाण्डेलाई न्यायाधीश नहकुल सुवेदीसँग संयुक्त इजलास तोकिएको छ ।

चार नयाँ न्यायाधीशले कार्यभार सम्हालेसँगै सर्वोच्च अदालतमा न्यायाधीशको सङ्ख्या २० पुगेको छ । सर्वोच्चमा अझै एक न्यायाधीशको पद रिक्त छ ।

लेखक

Share.
Bhoj Bhagirathi Trust

खप्तड मिडिया नेपाल प्रा. लि.

खप्तड मिडिया नेपाल प्रा.लि.
काठमाडौं–१६, बागमती प्रदेश, नेपाल

सूचना विभाग दर्ता नं.: २९७२-२०७८/७९

संस्थापक/सम्पादक: डा. तेजराज जोशी रेग्मी
सह-सम्पादक/आईटी प्रबन्धक: सुदर्शन गुरुङ

सम्पर्क

इमेल: info@khaptadmedia.com
विज्ञापन: marketing@khaptadmedia.com
मोबाइल: ९८४११९१५७९ (सह-सम्पादक)
सम्पादक इमेल: drtjjoshi@khaptadmedia.com

महत्त्वपूर्ण टेलिफोन नम्बर

  • Police: 100
  • Traffic Police: 103
  • Ambulance: 102
  • Fire Station: 101
  • Tourist Police: +977-14247041, 9851289444, 1144 (Toll-Free, Hotline)
  • Nepal Tourism Board: +977 1 4256909
  • Department of Tourism: +977 1 4247037

© 2026 खप्तड मिडिया नेपाल प्रा. लि. सर्वाधिकार सुरक्षित।