Khaptad Organic Nepal

काठमाडौँ । निरोशन डिकवेलाको विस्फोटक अर्धशतक र बलरहरूको कसिलो प्रदर्शनको मद्दतले साविक विजेता लुम्बिनी लायन्सले तेस्रो संस्करणको नेपाल प्रिमियर लिग (एनपीएल) को फाइनलमा स्थान पक्का गरेको छ । मंगलबार कीर्तिपुरस्थित त्रिवि अन्तर्राष्ट्रिय क्रिकेट मैदानमा सम्पन्न पहिलो क्वालिफायरमा सुदूरपश्चिम रोयल्सलाई ६ विकेटले पराजित गर्दै लुम्बिनी लगातार दोस्रो पटक उपाधि नजिक पुगेको हो ।

सुदूरपश्चिमले प्रस्तुत गरेको १०६ रनको सामान्य लक्ष्य लुम्बिनीले २० बल बाँकी छँदै ४ विकेट गुमाएर पूरा गर्‍यो । लुम्बिनीको सहज जितमा ‘प्लेयर अफ द म्याच’ बनेका विकेटकिपर ब्याटर डिकवेलाले अविजित ५९ रनको निर्णायक इनिङ्स खेले । आक्रामक ब्याटिङ गरेका उनले ३७ बलको सामना गर्दै ७ चौका र २ छक्का प्रहार गरे । कप्तान रोहितकुमार पौडेलले २८ बलमा २१ रन जोड्दै इनिङ्स सम्हालेका थिए भने दिलीप नाथ १० रनमा अविजित रहे । सुदूरपश्चिमका बलर थरिन्दु रत्नायकेले २ तथा स्कट कुगेलेइन र हेमन्त धामीले समान १-१ विकेट हात पारे पनि टोलीको हार टार्न सकेनन् ।

यसअघि टस हारेर पहिले ब्याटिङको निम्तो पाएको सुदूरपश्चिमले निर्धारित २० ओभरमा ८ विकेट गुमाउँदै १०५ रन मात्र जोड्न सक्यो । लुम्बिनीको धारिलो बलिङसामु सुदूरपश्चिमका अधिकांश ब्याटर निरीह देखिए । कप्तान दीपेन्द्रसिंह ऐरीले ५१ बलमा ३ चौका र १ छक्कासहित ५२ रनको संघर्षपूर्ण अर्धशतकीय पारी खेल्दै टोलीलाई सम्मानजनक स्कोरसम्म पुर्‍याए । इशान पाण्डेले ३३ बलमा २७ रन बनाउनुबाहेक सुदूरपश्चिमका अन्य कुनै पनि ब्याटरले दोहोरो अङ्कमा रन जोड्न सकेनन् ।

सुदूरपश्चिमको ब्याटिङ लाइनअप ध्वस्त पार्ने क्रममा लुम्बिनीका रुबेन ट्रम्पलम्यानले ४ ओभरमा मात्र १४ रन खर्चेर २ विकेट लिए । यस्तै, शेर मल्लले २ तथा किशोर महतो र अभिषेक गौतमले १-१ विकेट झारे । गत सिजनको फाइनल र जारी सिजनको लिग चरणमा समेत सुदूरपश्चिमलाई हराएको लुम्बिनीले यस जितसँगै सुदूरपश्चिमविरुद्ध लगातार तेस्रो जित दर्ता गरेको छ ।

यस जितसँगै लुम्बिनी मंसिर ५ गते (नोभेम्बर २१) हुने फाइनलका लागि सिधै छनोट भएको छ । पराजित सुदूरपश्चिमको फाइनल पुग्ने सम्भावना भने अझै जीवितै छ । सुदूरपश्चिमले अब बुधबार हुने काठमाडौँ गोर्खाज र चितवन राइनोजबीचको एलिमिनेटर विजेतासँग मंसिर ३ गते (नोभेम्बर १९) दोस्रो क्वालिफायर खेल्नेछ ।

लेखक

Share.
Bhoj Bhagirathi Trust

खप्तड मिडिया नेपाल प्रा. लि.

खप्तड मिडिया नेपाल प्रा.लि.
काठमाडौं–१६, बागमती प्रदेश, नेपाल

सूचना विभाग दर्ता नं.: २९७२-२०७८/७९

संस्थापक/सम्पादक: डा. तेजराज जोशी रेग्मी
सह-सम्पादक/आईटी प्रबन्धक: सुदर्शन गुरुङ

सम्पर्क

इमेल: info@khaptadmedia.com
विज्ञापन: marketing@khaptadmedia.com
मोबाइल: ९८४११९१५७९ (सह-सम्पादक)
सम्पादक इमेल: drtjjoshi@khaptadmedia.com

महत्त्वपूर्ण टेलिफोन नम्बर

  • Police: 100
  • Traffic Police: 103
  • Ambulance: 102
  • Fire Station: 101
  • Tourist Police: +977-14247041, 9851289444, 1144 (Toll-Free, Hotline)
  • Nepal Tourism Board: +977 1 4256909
  • Department of Tourism: +977 1 4247037

© 2026 खप्तड मिडिया नेपाल प्रा. लि. सर्वाधिकार सुरक्षित।