Khaptad Organic Nepal

काठमाडौँ । कमिल मिश्राको विस्फोटक शतकीय इनिङसँगै चितवन राइनोजले काठमान्डु गोर्खाजमाथि ६१ रनको सानदार जित दर्ता गर्दै नेपाल प्रिमियर लिग (एनपीएल) को दोस्रो क्वालिफायरमा स्थान सुरक्षित गरेको छ । अब चितवनले फाइनल यात्रा तय गर्न बिहीबार सुदूरपश्चिम रोयल्सको सामना गर्नेछ ।

२०५ रनको विशाल लक्ष्य पछ्याएको काठमान्डुले निर्धारित २० ओभरमा १ सय ४३ रन मात्र जोड्न सक्यो । काठमान्डुको ब्याटिङ लाइनअप ध्वस्त पार्ने क्रममा चितवनका रिजन ढकालले ४ तथा उस्मान मिरले ३ विकेट हात पारे । काठमान्डुका लागि विलियम बोसिस्टोले २८ बलमा ३७ रन बनाउनु नै सर्वाधिक स्कोर बन्यो । त्यस्तै, भिम सार्की ३० रनमा अविजित रहे भने सहन अराघचीले २४, रसिद खानले १२ र सन्तोष यादवले १० रनको योगदान दिए ।

यसअघि टस जितेर पहिले ब्याटिङ रोजेको चितवनले निर्धारित २० ओभरमा ४ विकेट गुमाउँदै २ सय ४ रनको विशाल योगफल तयार पारेको थियो । चितवनलाई उच्च स्कोरसम्म पुऱ्याउन श्रीलंकन ब्याटर कमिल मिश्राले ५९ बलमा ५ चौका र १० छक्काको मद्दतले १ सय २० रनको अविजित शतकीय इनिङ खेले । यो एनपीएल इतिहासकै पाँचौँ तथा जारी संस्करणको दोस्रो शतक हो । यसअघि पोखराका युवराज सिंह साम्राले शतक प्रहार गरेका थिए । मिश्रा र कप्तान रवि बोपाराबिच तेस्रो विकेटका लागि १ सय ५४ रनको महत्वपूर्ण साझेदारी भएको थियो । बोपाराले ४२ बलमा ३ चौका र २ छक्का प्रहार गर्दै ५३ रन बनाए ।

समूह चरणमा तेस्रो र चौथो स्थानमा रहेका टोलीबिच इलिमिनेटर खेल खेलाइएको हो । मंगलबार सम्पन्न पहिलो क्वालिफायरमा सुदूरपश्चिमलाई पराजित गर्दै लुम्बिनी यसअघि नै फाइनलमा प्रवेश गरिसकेको छ । बिहीबार हुने सुदूरपश्चिम र चितवनबिचको विजेताले उपाधिका लागि लुम्बिनीसँग प्रतिस्पर्धा गर्नेछ ।

लेखक

Share.
Bhoj Bhagirathi Trust

खप्तड मिडिया नेपाल प्रा. लि.

खप्तड मिडिया नेपाल प्रा.लि.
काठमाडौं–१६, बागमती प्रदेश, नेपाल

सूचना विभाग दर्ता नं.: २९७२-२०७८/७९

संस्थापक/सम्पादक: डा. तेजराज जोशी रेग्मी
सह-सम्पादक/आईटी प्रबन्धक: सुदर्शन गुरुङ

सम्पर्क

इमेल: info@khaptadmedia.com
विज्ञापन: marketing@khaptadmedia.com
मोबाइल: ९८४११९१५७९ (सह-सम्पादक)
सम्पादक इमेल: drtjjoshi@khaptadmedia.com

महत्त्वपूर्ण टेलिफोन नम्बर

  • Police: 100
  • Traffic Police: 103
  • Ambulance: 102
  • Fire Station: 101
  • Tourist Police: +977-14247041, 9851289444, 1144 (Toll-Free, Hotline)
  • Nepal Tourism Board: +977 1 4256909
  • Department of Tourism: +977 1 4247037

© 2026 खप्तड मिडिया नेपाल प्रा. लि. सर्वाधिकार सुरक्षित।