काठमाडौँ । राष्ट्रसङ्घीय जलवायु परिवर्तनसम्बन्धी संरचना महासन्धि (युएनएफसीसीसी) को ३१औँ सम्मेलन (कोप–३१) मा नेपालका तर्फबाट मुख्य एजेण्डा प्रस्तुत गर्न अर्थमन्त्री डा. स्वर्णिम वाग्ले टर्कीतर्फ प्रस्थान गर्नुभएको छ ।
सम्मेलनका क्रममा आयोजना हुने आधा दर्जनभन्दा बढी उच्चस्तरीय सत्रहरूमा सहभागी भई उहाँले जलवायु परिवर्तनले पारेको असर र दिगो आर्थिक विकासका विषयमा नेपालको स्पष्ट दृष्टिकोण राख्ने कार्यक्रम रहेको उहाँको सचिवालयले स्पष्ट पारेको छ ।
टर्कीको आन्ताल्या शहरमा नोभेम्बर ९ देखि २० सम्म सञ्चालन हुने उक्त विश्व सम्मेलनमा सहभागी हुन नेपाली प्रतिनिधिमण्डलको नेतृत्व गर्दै परराष्ट्रमन्त्री शिशिर खनाल यसअघि नै कार्यक्रमस्थल पुगिसक्नुभएको छ । अर्थमन्त्री डा. वाग्ले भने आफ्ना महत्त्वपूर्ण सत्रहरूमा सम्बोधन तथा छलफल सकाएर कात्तिक २९ गते आइतबार स्वदेश फर्कने कार्यतालिका छ ।
