काठमाडौँ । सत्तासाझेदार नेपाली कांग्रेसले आफ्ना शीर्ष नेतृत्व तथा केन्द्रीय सदस्यहरूलाई अनिवार्य उपस्थितिका लागि ताकेता गर्दै साउन २४ गतेका लागि केन्द्रीय कार्यसमितिको बैठक बोलाएको छ ।
बीपी नगर, ललितपुरस्थित केन्द्रीय कार्यालय बीपी स्मृति भवनमा उक्त बैठक आइतबार दिउँसो १ बजे शुरू हुनेछ ।
पार्टीको आगामी रणनीति तथा आन्तरिक विषयमा छलफल गर्न आयोजना गरिएको यस बैठकमा पदाधिकारी र सदस्यहरू सबैको अनिवार्य सहभागिता हुनुपर्ने जानकारी गराइएको छ ।
