काठमाडौँ । संयुक्त राष्ट्रसंघको ८१औँ महासभामा भाग लिएर प्रधानमन्त्री वालेन्द्र शाह आज (शनिबार) अपराह्न स्वदेश फर्कन लागेका छन् ।
उनी दिउँसो काठमाडौँ ओर्लिने कार्यक्रम रहेको छ । प्रधानमन्त्रीको स्वदेश आगमनलगत्तै परराष्ट्र मन्त्रालयले दिउँसो ३: ४५ बजे विमानस्थलमै पत्रकार सम्मेलन गरी भ्रमणबारे विस्तृत जानकारी गराउने भएको छ ।
महासभामा सहभागी हुन गत मङ्गलबार साँझ अमेरिका पुगेका प्रधानमन्त्री शाहले असोज ८ गते राष्ट्रसंघीय मञ्चबाट सम्बोधन गरेका थिए । सम्बोधनका क्रममा उनले नेपालका प्राथमिकता, अन्तर्राष्ट्रिय सहकार्य र विश्वव्यापी चासोका विषयमा देशको स्पष्ट दृष्टिकोण राखेका थिए ।
विशेषगरी भोटेकोशी र त्रिशूलीमा आएको भीषण बाढीलाई जलवायु परिवर्तनको असरका रूपमा औंल्याउँदै उनले हिमाली क्षेत्रमा उत्पन्न जोखिमप्रति विश्व समुदायको ध्यान आकृष्ट गराए । अमेरिका बसाइका क्रममा उनले संयुक्त राष्ट्रसंघका महासचिव एन्टोनियो गुटेरेससँग पनि द्विपक्षीय भेटवार्ता गरेका थिए ।
