काठमाडौँ । सार्वजनिक सेवा प्रसारण संस्थाको रिक्त अध्यक्ष पदका लागि अघि बढाइएको नियुक्ति प्रक्रिया तत्कालका लागि रोकिएको छ ।
सूचना तथा सञ्चार मन्त्रालयले हिजो मात्रै सार्वजनिक गरेको दरखास्त आह्वान सम्बन्धी सूचनालाई आज अर्को सूचना जारी गर्दै रद्द गरेको हो ।
मन्त्रालयले प्राविधिक तथा विशेष कारणवश उक्त विज्ञापन रद्द गर्नुपरेको उल्लेख गरेको छ । रिक्त पद पूर्ति गर्नका लागि हिजो खोलिएको दरखास्त २४ घण्टा नबित्दै मन्त्रालयले स्थगित गरेपछि यसलाई चासोका साथ हेरिएको छ । यद्यपि , मन्त्रालयले कुन विशेष कारणले सूचना रद्द गरिएको हो भन्नेबारे विस्तृत विवरण भने खुलाएको छैन ।
