काठमाडौँ । राष्ट्रिय स्वतन्त्र पार्टी (रास्वपा) को जारी पहिलो महाधिवेशनमा सहभागी प्रतिनिधिहरूले शुक्रबार बिहान चिया मात्रै खान पाएका छन् ।
आर्थिक स्रोतको संकुचन भएको भन्दै महाधिवेशन व्यवस्थापन पक्षले आज प्रतिनिधिहरूका लागि खानाको प्रबन्ध नगरेको जानकारी दिएको छ ।
विभिन्न आन्तरिक विवाद र ढिलाइले गर्दा छैटौँ दिनसम्म तन्किएको यस महाधिवेशनलाई आर्थिक संकटका बीच पनि आजै सम्पन्न गर्ने कार्यतालिका रहेको छ । महाधिवेशनको अन्तिम दिन भएकाले आज नयाँ पदाधिकारी चयन गर्दै कार्यक्रम समापन गर्ने तयारी भइरहेको छ ।
