नवलपरासी (पश्चिम) । पूर्व–पश्चिम राजमार्ग अन्तर्गत बर्दघाट नगरपालिका–४ तारेभिरमा एउटा ईभी भ्यान र ट्रक एकआपसमा ठोक्किँदा १० जना यात्रु घाइते भएका छन् ।
बुटवलबाट काठमाडौंतर्फ जाँदै गरेको बा.प्र.०८-००१ ज ००९४ नम्बरको ईभी भ्यान र विपरीत दिशाबाट गुडिरहेको ना.६ ख ३४६० नम्बरको ट्रक ठोक्किएर उक्त दुर्घटना भएको हो ।
प्रहरीका अनुसार दुर्घटनामा काठमाडौंकी ३३ वर्षीय बद्री मगर, स्वयम्भूका २५ वर्षीय नेत्रलाल नेवा, चितवन पदमपुरकी ६५ वर्षीया यनु मगर र बुटवलका ४० वर्षीय रुप गुरुङ घाइते भएका छन् । यस्तै भ्यान चालक बुटवलका ४४ वर्षीय कृष्ण थापा, सहचालक ३५ वर्षीय गोविन्द थापा, गुल्मीका २१ वर्षीय किरण मुखिया, बुटवलकै २८ वर्षीय प्रकाश भट्टराई तथा भारतको बैंगलोरका ६५ वर्षीय जगदिश बिएल र ६१ वर्षीय नन्जुण्डे गोडा पनि घाइते भएका छन् ।
घाइतेहरूमध्ये चार जनालाई थप उपचारका लागि देवदह मेडिकल कलेज भलुही पठाइएको छ भने बाँकी घाइतेहरूको अवस्था सामान्य रहेको छ । प्रहरीले ट्रक चालक मकवानपुरका ३५ वर्षीय बुद्धिबहादुर ठोकरलाई नियन्त्रणमा लिएर घटनाबारे थप अनुसन्धान गरिरहेको छ ।
