काठमाडौँ । नेपालको पूर्वाधार र समग्र विकासका लागि अन्तर्राष्ट्रिय दातृ निकायहरूसँग सरकारले उच्चस्तरीय छलफल तीव्र बनाएको छ ।
यसै क्रममा सिंहदरबारस्थित अर्थ मन्त्रालयमा सोमबार अर्थमन्त्री डा. स्वर्णिम वाग्ले र एसियाली विकास बैंक (एडीबी) का अध्यक्ष मासातो कान्डाबीच विशेष भेटवार्ता भएको हो । उक्त अवसरमा अर्थमन्त्री डा. वाग्लेले नेपालको आर्थिक-सामाजिक रूपान्तरणका लागि एडीबीले पुर्याउँदै आएको सहयोग र लगानी परिचालनप्रति आभार व्यक्त गर्दै आगामी दिनमा पनि यसलाई थप प्रभावकारी रूपमा निरन्तरता दिन आग्रह गर्नुभयो ।
जवाफमा अध्यक्ष कान्डाले नेपालको समग्र विकास प्रयासमा सहकार्य र सहयोग गर्नु एडीबीको उच्च प्राथमिकतामा रहेको प्रतिबद्धता जनाउनुभएको अर्थमन्त्रीको सचिवालयले उल्लेख गरेको छ ।
