काठमाडौँ । नेपाल न्याय सेवाका रिक्त राजपत्राङ्कित विशिष्ट श्रेणीका पदहरूमा तीन जना वरिष्ठ अधिकारीलाई बढुवा सिफारिस गरिएको छ ।
न्याय सेवा आयोगको भदौ ३० गते बसेको बैठकले सर्वोच्च अदालत तथा न्याय परिषद्मा कार्यरत कर्मचारीहरूको पदोन्नति, नियुक्ति र पदस्थापनका लागि नाम सिफारिस गर्ने निर्णय गरेको हो ।
निर्णयअनुसार सर्वोच्च अदालतको रजिस्ट्रार पदमा सहरजिस्ट्रार ठगीन्द्र कट्टेल र अर्का सहरजिस्ट्रार बाबुराम दाहाललाई विशिष्ट श्रेणीमा बढुवा गरी पदस्थापनका लागि सिफारिस गरिएको छ ।
त्यसैगरी न्याय परिषद्को सचिव पदमा हालका कायममुकायम सचिव रामप्रसाद भट्टराईलाई बढुवा नियुक्तिसहित पदस्थापन गर्न सिफारिस गरिएको हो । न्याय सेवालाई थप प्रभावकारी बनाउन आयोगले योग्यता र ज्येष्ठताका आधारमा यी रिक्त पद पूर्ति गर्ने निर्णय लिएको छ ।
