काठमाडौँ । शेयर बजारमा बुधबार दोहोरो अंकको गिरावट दर्ता भएको छ । धितोपत्र बजार मापक सूचक नेप्से १५.४३ अंकले घटेर २५४५.४० विन्दुमा पुगेर थामिएको छ ।
आज बजारमा कुल ३५२ कम्पनीका १ करोड ९ लाख ६५ हजार ५४२ कित्ता शेयर रु. ४ अर्ब १९ करोड ८९ लाख २१ हजार ३९ बराबरमा किनबेच भएका छन् । कारोबार अवधिभर सबै उपसूचकहरूमा रातो पोतिएकाले समग्र बजारमा शिथिलता देखिएको छ ।
मुल्यवृद्धिका हिसाबले अपर लाहोर खोला हाइड्रोपावरको शेयरमा सकारात्मक सर्किट लाग्यो भने शुभम पावरका लगानीकर्ताले ६.४० प्रतिशत कमाए । अर्कातर्फ, इमर्जिङ नेपालको शेयर मूल्य सबैभन्दा बढी १४.९९ प्रतिशतले ओरालो लागेको छ ।
कारोबार रकमका आधारमा रिलायन्स स्पिनिङ मिल्स रु. ४२ करोड ७६ लाखसहित शीर्ष स्थानमा रह्यो । त्यस्तै, सेन्ट्रल फाइनान्सले रु. १७ करोड ११ लाख बराबरको कारोबार गर्दै दोस्रो स्थान हासिल गरेको छ ।
