काठमाडौँ । मुलुकको अनुसन्धान तथा परीक्षण दायरा फराकिलो बनाउने उद्देश्यले बेलायतवासी दुई जना गैरआवासीय नेपालीले परराष्ट्र मन्त्रालयलाई एक करोड रुपैयाँ नगद र डीएनए परीक्षणसम्बन्धी सामग्री सहयोगस्वरूप प्रदान गरेका छन् ।
राजधानीमा आयोजित एक विशेष कार्यक्रमकाबीच एनआरएनद्वय उत्तम नेपालले एक करोड रुपैयाँको चेक र कुल आचार्यले डीएनए परीक्षणका सामाग्रीहरू परराष्ट्रमन्त्री शिशिर खनालसमक्ष हस्तान्तरण गरेका हुन् । सो अवसरमा मन्त्री खनालले प्राप्त सहयोगले नेपाल सरकारको प्राविधिक तथा अनुसन्धान गर्ने क्षमता थप सुदृढ बन्ने विश्वास व्यक्त गरे ।
कार्यक्रममा सांसद विदुषी राणा लगायत परराष्ट्र मन्त्रालयका उच्च अधिकारीहरू र गैरआवासीय नेपाली संघका प्रतिनिधिहरूको सहभागिता रहेको थियो ।
