Khaptad Organic Nepal

काठमाडौँ । इरानमाथि पुनः सैन्य कारबाही सुरु गर्न इजरायलका कार्यवाहक प्रधानमन्त्री बेन्जामिन नेतन्याहुले अमेरिकी राष्ट्रपति डोनाल्ड ट्रम्पमाथि कूटनीतिक दबाब बढाएका छन् ।

एक्सियोस, जेरुसेलम पोस्ट र फाइनान्सियल टाइम्स जस्ता अन्तर्राष्ट्रिय सञ्चारमाध्यमहरूका अनुसार नेतन्याहुले यस विषयमा सहमति जुटाउन उच्चस्तरीय वार्ता र दैनिक संवादलाई तीव्रता दिएका हुन् ।

नेतन्याहुले आफ्नो योजना सफल बनाउन इजरायली गुप्तचर एजेन्सी मोसादका प्रमुख रोमन गोफम्यानलाई अमेरिका पठाएका छन् । शुक्रबार वासिङ्टन पुगेका गोफम्यानले त्यहाँ सीआईए प्रमुख जोन रेटक्लिफसँग भेटवार्ता गर्ने कार्यक्रम छ । वासिङ्टनको भेटपछि उनी ट्रम्पका विशेष दूत स्टिभ विटकफसँग छलफल गर्न मियामी जानेछन् । फाइनान्सियल टाइम्सका अनुसार नेतन्याहु स्वयंले पनि विगत केही दिनदेखि राष्ट्रपति ट्रम्पलाई दैनिक फोन गरिरहेका छन्, जहाँ दुई नेताबीच नोभेम्बर ५ मा इरानमाथि आक्रमण गर्ने सम्भावनाबारे कुराकानी भएको बताइएको छ ।

यद्यपि, अमेरिकी राष्ट्रपति ट्रम्प भने तत्काल इजरायलको यो प्रस्ताव स्वीकार गर्ने पक्षमा देखिएका छैनन् । प्रत्यक्ष ठूलो सैन्य आक्रमण गर्नुको सट्टा इरानमाथि आर्थिक दबाब बढाउने रणनीति अमेरिकाले लिएको छ । यसका लागि अमेरिकाले इरानविरुद्धको समुद्री नाकाबन्दीलाई निरन्तरता दिँदै उसको व्यापार र आम्दानीको स्रोत सुकाउने नीति अपनाएको छ ।

अमेरिकाको यो आर्थिक दबाबको नीतिलाई साउदी अरेबिया, कतार, यूएई, कुवेत र बहराइन जस्ता खाडी राष्ट्रहरूले समेत साथ दिएका छन् । राष्ट्रपति ट्रम्पका अनुसार साउदी अरेबियाले केही समयका लागि वर्तमान अवस्थालाई नै यथावत् राख्न आग्रह गरेको छ । इरान आन्तरिक रूपमा कमजोर हुँदै गइरहेको निष्कर्ष निकाल्दै साउदी अरेबियासहित अन्य खाडी मुलुकहरूले पनि अमेरिकालाई तत्काल कुनै हतारमा सैन्य कदम नचाल्न सुझाव दिएका छन् ।

लेखक

Share.
Bhoj Bhagirathi Trust

खप्तड मिडिया नेपाल प्रा. लि.

खप्तड मिडिया नेपाल प्रा.लि.
काठमाडौं–१६, बागमती प्रदेश, नेपाल

सूचना विभाग दर्ता नं.: २९७२-२०७८/७९

संस्थापक/सम्पादक: डा. तेजराज जोशी रेग्मी
सह-सम्पादक/आईटी प्रबन्धक: सुदर्शन गुरुङ

सम्पर्क

इमेल: info@khaptadmedia.com
विज्ञापन: marketing@khaptadmedia.com
मोबाइल: ९८४११९१५७९ (सह-सम्पादक)
सम्पादक इमेल: drtjjoshi@khaptadmedia.com

महत्त्वपूर्ण टेलिफोन नम्बर

  • Police: 100
  • Traffic Police: 103
  • Ambulance: 102
  • Fire Station: 101
  • Tourist Police: +977-14247041, 9851289444, 1144 (Toll-Free, Hotline)
  • Nepal Tourism Board: +977 1 4256909
  • Department of Tourism: +977 1 4247037

© 2026 खप्तड मिडिया नेपाल प्रा. लि. सर्वाधिकार सुरक्षित।